La tienda del BOE

A Secretaría Xeral de Política Lingüística, a través do Centro Ramón Piñeiro para a Investigación en Humanidades (CRPIH), vén de publicar a obra Cartas de Ramón Cabanillas a Isidoro Millán en modo de antífona. Trátase dunha obra que quere ser unha contribución ao mellor coñecemento biográfico do escritor Ramón Cabanillas, a través da achega dun rico e variado material epistolar, ata o de agora inédito, do poeta de Cambados. A obra, que ten como responsable de edición a Luís Cochón, constitúe o décimo oitavo número de Cadernos Ramón Piñeiro, colección que dirixen Luís Alonso Girgado e Ramón López Vázquez.